ما رايك في مدونتي ؟؟

الثلاثاء، 31 أغسطس 2010

The Expendables.2010 فلم سلفستر ستالون

الفلم اكشن كوميدي بشكل غير طبيعي ...... راح تشوف شي ماعمرك شفته

ببساطة افضل فلم شفته حتى الان واول مره في حياتي اضحك بفلم اكشن وحرب

هالفلم جمع اكثر من ممثل تخصص اكشن واثاره

الممثلين
Sylvester Stallone


 
Jason Statham


 
Jet Li



 
Dolph Lundgren


 
Steve Austin

وغيرهم  ضيوف شرف مثل Arnold Schwarzenegger  و Bruce Willis

بصراحة اساطير الاكشن مع بعض وش توقع يصير


شاهد الفلم والمتعة مضمونة 100 %

تحياتي

الثلاثاء، 24 أغسطس 2010

فلم انجلينا جولي Salt 2010

الفلم مثل كل افلام انجلينا جولي (تذكرون لارا كروفت) الفلم كله اثارة ومطاردات وقتل واغتيالات وجواسيس وروسيا وامريكا و CIA  يعني هالفلم راح تجد فيه كل شي قصه واجرام وخيانه ....الخ

Evelyn Salt is a CIA agent and highly respected by all, including her boss, Ted Winter. Out of the blue, a Russian spy walks into their offices and offers a vital piece of information: the President of Russia will be assassinated during his forthcoming visit to New York City to attend the funeral of the recently deceased U.S. Vice President. The name of the assassin: Evelyn Salt. Concerned about the safety of her husband, who she cannot contact, she goes on the run. Winter refuses to accept that she is a mole or a double agent but her actions begin to raise doubts. Just who is Evelyn Salt and what is she planning

( اللي مايعرف انجليزي لا يناظر افلام اصرف له)

الفلم خطير لايفوتك وترا انجلينا بدعت


2010 
 طبـــــوع الحفـــــــــظ محقـــــــوقـــه

فلم امير فارس (رمال الزمن) prince of persia the sands of time

الفلم اكشن وفيه شوي خيال بما ان فكرته مأخوذة من اللعبة اصلا فاذا انت من محبين لعبة prince of persia 

راح يعجبك الفلم


الفلم رائع وقصته خطيرة  والصراحة الفلم ممتع والاخراج حلو




واتمنى لكم طيب المتابعة

الاثنين، 9 أغسطس 2010

فلم kick ass

حياكم الله  في مدونتي

الفلم اللي راح اتكلم عنه اليوم هو kick ass  

 وبالعربي 

     ( تشويت الموخرة خخخخخخخخ ) ماينفع بالعربي صح

صحيح فيه شخصيات مثل باتمان وسوبر مان وسبايدرمان وسليمان يدافعون عن الخير ضد الشر

ليش مافيه واحد يجرب يصير مثلهم ويحارب الجريمة  ؟؟؟ 

هذا ماسوف تشاهده بهالفلم المهستر جدا لدرجه انك راح تموت ضحك وترحمه هالضعيف وتجوز لك حركاتهم هههههههههه

تصدق ان تقييم هالفلم  8.2/10  يعني جايز لهم  تعالوا نعرف من يمثل معهم

الممثلين






الفلم رووووعة ومهستر وراح تسمتع بمشاهدته (الفلم ليس خيالي انما هو واقعي جدا ) يعني مافيه خنبقة وسواليف سوبر مان خخخخخ

شكرا لكم على المتابعة

الاثنين، 2 أغسطس 2010

LAW Abiding Citizens


هالفلم مبين من البوستر انه مو صاحي وفعلا حملته وشاهدته وهو افضل فلم في عام 2009 ولم ياتي فلم من الجديد يغطي عليه

هالفلم ينصح بمشاهدته وانت معصب وان كان يفضل ان تكون معصب وحاقد بعد علشان لما تشوف وتخلص راح تقول
والله ياهو برد تسبدي

وراح يعجبك الممثل مع اني ما اعرف له الا فلم 300 وهالفلم والباقي ماقط شفت له افلام حلووووه

وش شعورك لما يصير النظام ظالمك وتجي انت تحوس ابو النظام وانت داخل السجن شلووون هذا ماسوف تشاهده بالفلم
البطل مجرم بس بريْ ويجيك يحوسهم حوس ههههههه ودي اشوفه ثانيه الحين خخخخخخخخخ


مع تحياتي لكم البرفسور

The A Team فلم الاكشن

الفلم هذا اكشن كوميدي في نفس الوقت ... اربعة مهسترين يجتمعون مع بعض وكل واحد له تخصص وطبعا الاربعة مو صاحين حتى في مجالهم مخربينها اللي يسوق هيلوكبتر ويقلبها بالجو كنها F15 لا ويطفي المحرك علشان تضبط الحركة مو صاحي يعني عنده

هذي هي يسوقها عادي يحسبها


وهبال متعدي الحدود اجل يلحقونه صواريخ ويعدي منهن احسن من F15



والفلم حلو خطير ويستاهل المتابعة بس ماراح تشوفه مره ثانيه لانه مافيه ذاك القوه زي قوة Law Abiding Citizens

الاول يمين الرئيس والثاني هو سواق الهيلوكبتر المهستر والثالث و قوي بس مدري وش يجيه يدوخ خخخ والاخير يسار  واثق وشايف نفسه يكفخونه ويضحك ضامن ان ربعة بيجون .

الأحد، 1 أغسطس 2010

the karate kid فلم جاكي تشان الجديد مع ولد ويل سميث

الفلم هذا قصته مثل قصص الافلام الكراتيه انه فيه واحد يروح لمعلم يعلمه كراتيه علشان يكوفن ويكفخ ناس مكفخينه او يبون يكفخونه

فيجيك ويعلمه اشياء غبيه مالها فايده ثم تكتشف انها  بطله وحركات حلوووه

به واحد يقول انا كل يوم افصخ ثوبي والبسه وشماغي والبسه وجاني واحد عطاني كف وماعرفت اصده هههههههه بلاك خبل ماتعرف تلبس وتفصخ ثوبك زين

تبي تتعلم شف ولد ويل سميث (ما اعرف اسمه هههه) وتعرف وشلوووووووووووون ؟؟؟؟



شفتوا ولد ويل سميث قوي وشلون مسوي بالصوره اتحداك تسوي مثله .

للجديد اضغط 2010 علشان تشوف الرسائل الاحدث (للي مايعرفون)


فلم هانا مونتانا الجديد THE LAST SONG الاغنيه الاخيره

نبدا بأول فلم ووش ورانا نبي نشرشح افلام البوكس  اوفيس ونعطيكم رايي الشخصي بافلامهم الزلايب اجل كسبانين 200 مليون ويبيعونه بجرير 250 ريال لا وبدون ترجمه بعد هههههههه ( تورنت حبيبي وش نسوي بدونك)

طبعا الزلايب اللي يقولون التورنت الاخضر (جعيل الخضره) انه اطلق من BITCOMET  ماعنده سالفه ومايعرف وشو السيدر والبيرز وعامج والديها وتلقاه ما سجل اصلا بالتورنت ههههههههه

اسمعوا قصدي شوفوا  خلونا نبدا ومايحتاج خنبقه (معناها: خرابيط.. نترجمها لاهل سدير ربعي اثنين كلهم واترجم لهم بعد ههههههه)



هالفلم مسوين فيها رومانسية وحزن وسواليف واجده بس يبون يعلمونا انا مايلي صارت كبيره وماهي تمثل للبزور  والفلم خنبقه واحلى مافيه اللي بالعنوان الفلم اللي هي الاغنية الاخيرة اذا حملت الفلم قدم الين قبل الاسماء تطلع واسمع الاغنيه وقضينا مايحتاج تشوفه لاني قلت لك السالفه باول كلمتين ( ارجع للون الاحمر)

طيب وراي محمله هاه؟؟؟ الصراحة ابشوف اخر الفلم وش يصير هههههههههههه وش عنده برزن بريك

انتظروني قريبا

اصبروا شوي وابجي اشخمط فيذا